i.1. Margaretha Petronella NEL, geb. 20/11/1957, ged. 23/02/1958

i.1.  Margaretha Petronella (Riëtte), geb.  20/11/1957, ged. 23/02/1958, Augrabies, oorl. 23/10/1983 x Willem Albertus NOLTE, geb. 30/08/1955, s.v. Willem Albertus Nolte en Emmerentia Maria de Klerk.

Margaretha Petronella was die dogter van Gerrit Stephanus Nel en Louisa Helena Johanna van Wyk.

EGGSA

Augrabies cemetery

Kinders:

1.  Willie NOLTE

2.  Heloise NOLTE

h.1. Abraham Pieter NEL, geb. 20/08/1937

h.1.  Abraham Pieter (Abie), geb. 20/08/1937, oorl. 27/09/2010 x 16/04/1966, Upington met Jacomina Hendrina (Irene) LOUBSER, geb. 23/06/1941, d.v. Johannes Jacobus Laubscher en Johanna Magdalena Christina Müller.

Abraham Pieter was die seun van Johannes Izak Nel en Anna Jacoba Kruger.

Abie is op 20 Augustus 1937 gebore.  Dr. F.M. Joubert het vir die bevalling uitgekom.  Met die dag van sy geboorte het daar drie vliegtuie naby die familiebegraafplaas geland.  Dit was ‘n baie ongewone gebeurtenis en alhoewel die omgewing se mense nie geweet het wie die vlieëniers was nie, het hulle daar byeengekom.

Abie het eers in die plaasskool skoolgegaan.  Daaarna is hy na Renosterkop se Rietskool, waar hy by Mnr. Aikman skoolgegaan het.  Hierna is hy Kakamas toe vir sy verdere skoolopleiding, waarna hy na die Hoër Jongenskool in die Paarl is.  Die kinders het trein gery van Upington af tot in die Paarl.  Die eerste deel van die rit was tot op De Aar.  Van daar af is die kinders van SAP ondersteuners Grahamstad toe, terwyl die kinders van die NAT ondersteuners Boland toe is.

Izak Annie en Abie

Op 16 April 1966 is Abie met Jacoba Hendrina (Irene) Loubser getroud.  Irene het op Kakamas skoolgegaan tot matriek.  Izak en Kolie was bure en Irene se ma was ‘n niggie van Ella.  Sy het oor naweke by hulle gaan kuier.

Irene is na die Universiteit van Stellenbosch toe in 1960.  Abie het baie van haar gehou en dit was so ‘n ernstige saak by hom dat hy daaroor gebid het.  Nadat sy haar maatskaplike studies klaargemaak het, het sy op Christiana gaan werk.  Abie het daar vir haar gaan kuier.  Hierna is sy Pretoria toe, waar sy in groepwerk met kinders gespesialiseer het en  ook later as organiserende sekretaresse gedien het.  Sy het van die begin af gesê dat sy eers vir drie jaar wou werk en sy was ‘n meisie met ‘n sterk wil.

Abie het een maal per maand met die Dakota vliegtuig vanaf Upington na Johannesburg toe gevlieg.  Dan het hy op die Vrydag opgevlieg en op die Maandag teruggevlieg.  Hy het in die Union Hotel gaan bly, wat ‘n baie deftige hotel was.  Hy het dit volgehou totdat hulle getroud was.

As hoogtepunt in hul lewens is Johannes Izak een jaar en vier maande na hulle huweliksbevestiging gebore en Johannes Jacobus eers vyf jaar later. 

Na die ontwikkeling van die vervoer- en koeltroknetwerk, kon vars druiwe na die hoof plaaslike markte, t.w. Johannesburg, Kaapstad en Durban vervoer word.  Hierdie ontwikkeling het Suid-Afrika se uitvoermark moontlik gemaak.

In 1979, toe daar elektrisiteit op Rooipad aangelê is, is daar begin met die aanplanting van die buitgronde.  Abie het die eerste een hektaar proefperseel onder mikrobesproeiing geplaas in 1979.  Hy en Burger du Plessis het begin met buitegrondwingerd.  Daar is ‘n pompstasie met ‘n pyplyn wat oor die Augrabies Nasionale Park se gronde loop, op R.K. Oosthuizen se grond opgerig.  Water is oor ‘n afstand van 2.2 km aangelê.  In 1984 is die eerste druiwe van die plaas Rooipad uitgevoer.  Unifruco was die alleenuitvoerder en Burger du Plessis en Abie Nel het die eerste koelgeriewe in die omgewing gehad.

Baie van die Rooipad werkers woon al hul hele lewe op die plaas.  So ‘n werker is die kleurlingman Oupa Koos (Jacobus Basson) wie diep spore in die ontwikkeling van die boerdery getrap het.    Oupa Koos het oorspronklik by A.P. Nel, Abie se oupa op die plaas begin werk.  Na A.P. Nel se dood het hy by Abie se pa gewerk en na sy dood het hy by Abie gewerk tot met sy aftrede in 1988.

EGGSA
Northern Cape, Gordonia district, Augrabies padrooi 13 Nel cemetery

h.1. Abraham Pieter NEL, geb. 06/11/1924, ged. 11/01/1925

h.1.  Abraham Pieter (Pieter), geb. 06/11/1924, ged. 11/01/1925, Kenhardt, oorl. 13/10/1976 x 01/07/1949, Vanrhynsdorp met Alida Benoni (Lida) VAN ZYL, geb. 15/05/1929, oorl. 04/07/2003.

Abraham Pieter was die seun van Egbertus Johannes Nel en Anna Catharina Kotze.

Onder regs:  Pieter en Marietjie

1933 – Pieter, Mias en Drienie – nadat Drienie maagkoors gehad het

V.l.n.r.  Sannie Smit,  Pieter, Bertus, Jeantie Nieuwoudt, Drienie, Krisjan Smit, Eliza Nieuwoudt.

Pieter het sy vrou Lida op Vanrynsdorp ontmoet.  Dit was ‘n baie droë jaar en die mense het met hulle vee na Vanrynsdorp se wêreld toe getrek, agter weiding aan.  Sy was jonk toe hulle getroud is.  Hulle het eers op Nabees, ‘n plaas in die Boesmanland gewoon.  Hulle eerste baba is kort na geboorte dood. Laterjare het hulle na Rooipad toe getrek.  Op Rooipad het hulle in die huis wat die naaste aan die valle se pad was, gaan woon.

Links:  Pieter en Lida    Regs:  Pieter en sy niggie Mollie  

Pieter het op die plase Nabees, Rooipad, Vredehoek en Sandvlei met karakoele geboer.  Hy het by verskeie geleenthede die Suid-Afrikaanse kampioenram en –ooi van die karakoelbedryf besit.

Hy was nog jonk toe hy aan kanker dood is.  Ses weke nadat hy uit die Kaap gekom het, waar hy behandel was, is hy oorlede.  Lida het vir ‘n tyd lank nog op Rooipad gewoon.  Toe hulle seun Egbie begin boer het, het sy Kakamas toe getrek.

EGGSA

Northern Cape, Gordonia district, Augrabies padrooi 13 Nel cemetery

h.1. Hendrina Maria NEL, geb. 09/12/1940, ged. 09/03/1941

h.1.  Hendrina Maria (Drienie), geb. 09/12/1940, ged. 09/03/1941 x 05/10/1963, Upington met Francois de Wet NEL, geb. 20/03/1939, oorl. 30/10/2006, s.v. Daniel Nel en Ellie Catharina de Wet.

Hendrina Maria was die dogter van Jacobus Gideon Louw Nel en Elsie Johanna Jacoba van der Merwe.

EGGSA
Northern Cape, Gordonia district, Augrabies padrooi 13 Nel cemetery

Kinders:

i.1.  Daniël de Wet NEL

i.2.  Elsie Johanna NEL

i.3.  Jacobus Gideon NEL

i.4.  Francois de Wet NEL

g.10. Willem Jacobus Albertus NEL, geb. 18/05/1880

g.10.  Willem Jacobus Albertus, geb. 18/05/1880, ged. Calvinia, oorl. 24/03/1953, Grootfontein, dist. Clanwilliam x 25/04/1904, Calvinia met Maria Johanna Jacoba NEL, geb. 20/07/1884, ged. 12/10/1884, Roggeveld, oorl. 07/08/1966, Malmesbury, d.v. Joachim Elias Petrus Nel en Hilletjie Maria Louw.

Willem Jacobus Albertus was die seun van Jan Harmse Nel en Jannetjie Sophia Nieuwoudt.

Name Willem Jacobus Albertus Nel
Birth Date 18 May 1880
Parent Name Janetta Sophia Nieuwoudt
Second Parent's Name Jan Harmse Nel
Event Type Baptism
Event Place Calvinia, Cape Province, South Africa
Event Place (Original) Calvinia
https://www.familysearch.org/ark:/61903/1:1:6FVW-L1SY
https://www.familysearch.org/ark:/61903/1:1:6N4T-1S9C

 

Name Willem Jacobus Albertus Nel
Event Type Membership
Event Date 23 Sep 1899
Event Place Nieuwoudtville, Calvinia, Cape Colony, South Africa
Event Place (Original) Nieuwoudtville, South Africa
https://www.familysearch.org/ark:/61903/1:1:6PDJ-6XR3?lang=en

Name Willem Jacobus Albertus Nel
Sex Male
Age 23
Birth Year (Estimated) 1881
Spouse's Name Maria Johanna Jacoba Nel
Spouse's Sex Female
Spouse's Age 19
Spouse's Birth Year (Estimated) 1885
Event Type Marriage
Event Date 25 Apr 1904
Event Place Western Cape, South Africa
Event Place (Original) Groen Rivier, Nieuwoudtville, Calvinia

Name Maria Johanna Jacoba Nel
Birth Date 20 Jul 1884
Parent Name Hilletje Maria Louw
Second Parent's Name Joachim Elias Petrus Nel
Event Type Baptism
Event Date 12 Oct 1884
Event Place Roggeveld, Ceres, Cape Province, South Africa
Event Place (Original) Roggeveld, South Africa
https://www.familysearch.org/ark:/61903/1:1:6NZH-DY81
https://www.familysearch.org/ark:/61903/1:1:6NHF-6J42
https://www.familysearch.org/ark:/61903/1:1:6KBS-ZN4K

 

Op 25 Junie 1908 het Jan Harmse Nel sy deel van Sewefontein aan sy drie seuns, Willem Jacobus Albertus Nel, Heremias Cornelis Nel en Johannes Abraham Benjamin Nel bemaak.  Twee van die broers, WJA Nel en JAB Nel verkoop hulle grond aan hul ander broer, Heremias Cornelis Nel.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010

FAMILYSEARCH

Name Maria Johanna Jacoba Nel Nel
Sex Female
Age 82
Birth Year (Estimated) 1884
Birthplace Kaaprovinsie
Event Type Death
Event Date 7 Aug 1966
Event Place Swartland, Malmesbury, Cape Province, South Africa
Event Place (Original) Swartland, Malmesbury
https://www.familysearch.org/ark:/61903/1:1:DXQ8-T5N2?lang=en

g.2. Heremias Cornelis NEL

g.2.  Heremias Cornelis

Heremias Cornelis was die seun van Jan Harmse Nel en Jannetjie Sophia Nieuwoudt.

Op 25 Junie 1908 het Jan Harmse Nel sy deel van Sewefontein aan sy drie seuns, Willem Jacobus Albertus Nel, Heremias Cornelis Nel en Johannes Abraham Benjamin Nel bemaak. Twee van die broers, W.J.A Nel en J.A.B Nel verkoop hulle grond aan hul ander broer, Heremias Cornelis Nel.   (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010).

Heremias Cornelis Nel kon nie van die boerdery ‘n sukses maak nie, want op 29 Maart 1927 is hy insolvent verklaar en is die plaas vir drie jaar deur die Malmesbury Board of Executors, Trust and Fire Assurance Corporation, wat as kurator opgetree het, bestuur. Op 11 Julie 1930 het Jan Harmse Nel se skoonseun, Jacobus Nel Boltman, die insolvente boedel van Heremias Cornelis Nel oorgeneem.  Vanaf 1927 het al die omliggende plase se kinders het na Sewefontein se plaasskool gegaan.(‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

g.15. Hendrina Maria NEL, geb. 08/08/1890, ged. 25/01/1891

g.15.  Hendrina Maria, geb. 08/08/1890, ged. 25/01/1891, Willemsrivier, oorl. 03/02/1963 x 23/09/1918, Calvinia met Jacobus Nel BOLTMAN, geb. 11/09/1880, oorl. 02/05/1970,  s.v. Petrus Jacobus Boltman en Alida Hester Jacoba Strauss.

Hendrina Maria was die dogter van Jan Harmse Nel en Jannetjie Sophia Nieuwoudt.

Name Hendrina Maria Nel
Birth Date 8 Aug 1890
Parent Name Jan Harmse Nel
Second Parent's Name Janetta Sophia Nieuwoudt
Event Type Baptism
Event Date 25 Jan 1891
Event Place Western Cape, South Africa
Event Place (Original) Willemsrivier
https://www.familysearch.org/ark:/61903/1:1:6KBD-76RQ

Die stamvader van die Boltmans in Suid-Afrika was Pieter Pietersz Boltman. Hy was afkomstig vanaf Kopenhagen in Denemarke. Op 9 Junie 1811 het hy met Clara Elizabeth van die Kaap in die huwelik getree (Schutte gd:21; Heese & Lombard 1986:322). Pieter P Boltman het vier kinders gehad wat buite die eg gebore was aangesien hy eers in 1811 getrou het. Sy tweede seun was Frederik Henricus Boltman, gebore in Kaapstad, waarskynlik in 1792. Hy het as winkelier in Kaapstad ‘n lewe gemaak en daar met Christina Petronella Jacoba Kuuhl op 1 Mei 1825 getrou. Hy het op 21 September 1837 op die ouderdom van vyf-en-veertig jaar in Kaapstad gesterf. Die egpaar het sewe kinders gehad (Heese & Lombard 1986:322). Hulle sesde kind was Petrus Jacobus, gebore op 18 Julie 1834. Hy het in Stellenbosch met Emerentia Jacoba van Ellewee getrou wat in 1875 in Calvinia gesterf het, ‘n maand na haar laaste kind se geboorte (Schutte gd:21). Tien kinders is uit die huwelik gebore. Die afleiding kan gemaak word dat hulle een of ander tyd vanaf die Kaap na Calvinia verhuis het, want die eerste drie kinders is in Stellenbosch gebore, die vierde in Franschhoek, die vyfde weer in Stellenbosch en die laaste vyf in Calvinia (Schutte gd:27). Petrus Jacobus het na sy vrou se dood weer in Calvinia met Alida Hester Jacoba Strauss getrou en ‘n tweeling, Hester Jacoba en Jacobus Nel, is uit die huwelik gebore (Heese & Lombard 1986:322). 

Jacobus Nel Boltman het met Hendrina Maria Nel getrou en die plaas Sewefontein uit die insolvente boedel van Heremias Cornelius Nel gekoop.

Name Jacobus Nel Boltman
Sex Male
Age 38 years
Birth Year (Estimated) 1880
Spouse's Name Hendrina Maria Nel
Spouse's Sex Female
Spouse's Age 27 years
Spouse's Birth Year (Estimated) 1891
Event Type Marriage
Event Date
23 September 1918
Event Place
Calvinia, Calvinia, Cape Province, South Africa
Event Place (Original) Neiuwoudtville, Calvinia, Cape Province, South Africa
Certificate Number 315
https://www.familysearch.org/ark:/61903/1:1:6ZHP-PTL3 

The farm Quispberg:  In 1954 the seven fideicommissary heirs of Nicolaas Kotze together with the other joint owners of the farm at that time, Nicolaas Everhardus Nel and Jacobus Nel Boltman, agreed to sub-divide the farm in accordance with the 1920 diagrams. They applied to the Deeds Office for the sub-division of the farm and it was subdivided into three portions, as follows:
 Portion 1 - registered in the name of Nicolaas Everhardus Nel and held under deed of partition transfer T4799/1954 (2706, 6411 hectares) 
Portion 2 - registered in the names of the seven Kotze fideicommissaries and held under deed of partition transfer T4798/1954(1373, 0208 hectares) 
Remainder - registered in the name of Jacobus Nel Boltman and held under deed of partition transfer T4800/1954 (4123, 3051 hectares).  (http://www.justice.gov.za/lcc/jdgm/1999/5-99.pdf) 

Aan  Nicolaas Everhardus Nel (gebore 1 Junie 1879) Blanke Groep Seker stuk afgeskafte erfpaggrond synde die plaas genoem THEE BERG, gedeelte van Quispberg, geleë in die afdeling Calvinia.  Groot 3160 Morge Volgens Kaart No: 3255/1920 
Aan Jacobus Nel Boltman (gebore 11 September 1880) Blanke Groep Seker stuk afgeskafte erfpaggrond synde die restant van die plaas genoem QUISPBERG, geleë in die Afdeling Calvinia. Groot volgens restant 4813 morge 572 vierkant roede.”  (http://www.justice.gov.za/lcc/jdgm/1999/5-99.pdf)

Jacobus Nel Boltman (Kolie) en Hendrina Maria het vyf kinders gehad. Die bande tussen die Nels en Boltmans is verder versterk deurdat twee van die Boltman kinders, Janetta Sophia (Netta) en haar broer Jacob Cornelius (Japie) met ‘’n Nel broer en suster, Willem Gabriël Brynard en Johanna Catherina (Hanna) getrou het. Jacobus Nel Boltman het ook sy grond verdeel en dit is deur sy seuns, Petrus Jacobus (Kosie) en Jacob Cornelius (Japie) Boltman by hom gekoop.  Petrus Jacobus het die gedeelte Melkkraal gekoop en sy broer Jacob Cornelius, Sewefontein.  Op 16 Februarie 1977 het P.J. (Kosie) die gedeelte Sewefontein wat aan sy broer Jacob Cornelius (Japie) behoort het, gekoop. In 2002 gaan Melkkraal en Sewefontein oor in die hande van sy enigste seun, Jacobus Nel (Buks) Boltman.  Laasgenoemde boer tans nog op die plase Sewefontein en Melkkraal. Die plaas is dus vanaf 1930 in die hande van die Boltman-familie.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Kinders:

h.1. Petrus Jacobus (Kosie) BOLTMAN, geb. 31/07/1919, ged. 12/11/1919, Nieuwoudtville. 

h.2. Janetta Sophia (Netta) BOLTMAN, geb. 12/12/1922, ged. 06/04/1922, oorl. 16/10/1976, Kaapstad x 23/06/1952 met Willem Gabriël Brynard Nel, geb. 12/07/1920, Ratelskip, Karoo, oorl. 12/08/1964, Boskloof, s.v. Jacobus Hendrik Louw Nel en Wilhelmina Maria Brynard.

h.3. Jacob Cornelius von Ellewee (Japie) BOLTMAN, geb. 12/05/1924, ged. 07/08/1924, oorl. 1999 x 05/04/1967 met Johanna Catharina (Hanna) Nel, geb. 02/04/1939, ged. 06/06/1939, d.v. Jacobus Hendrik Louw Nel en Wilhelmina Maria Brynard.

h.4. Jan Harmse BOLTMAN, geb. 24/03/1925, ged. 14/05/1925, Nieuwoudtville. 

h.5. Luther BOLTMAN, geb. 07/01/1929, ged. 17/05/1929, Nieuwoudtville, oorl. 1970.

f.3. Jan Harmse NEL, geb. 07/05/1847, ged. 26/08/1847

f.3.  Jan Harmse, geb. 07/05/1847, ged. 26/08/1847, Tulbagh x 17/04/1865, Calvinia met (Jannetjie) Janetta Sophia NIEUWOUDT, geb. 10/02/1847, oorl. 24/07/1918, d.v. Isak Albert Nieuwoudt en Susanna Francina van Wyk. 

 

Jan Harmse was die seun van Jacob Willem Stephanus Nel en Martha Margaretha Elizabeth Van Taak.

 
Name Jan Harmse Nel
Sex Male
Birth Date 7 May 1847
Parent Name Jacob Willem Stephanus Nel
Second Parent's Name Martha Margritha Elisabeth Van Thenk
Event Type Baptism
Event Date 26 Aug 1847
Event Place Cape Colony, South Africa
Event Place (Original) Cape Province, South Africa
Event Place Tulbagh
https://www.familysearch.org/ark:/61903/1:1:6JML-V8NX
https://www.familysearch.org/ark:/61903/1:1:65X5-MJR5

 

Jacob Willem Stephanus Nel se twee seuns, Jan Harmse en Jacobus het die plase Brakkefontein en Brakrivier geërf . Jacobus het hom op Brakrivier gevestig. Jan Harmse moes saam met sy broer in die enigste woonhuis op Brakrivier gaan woon maar sy vader se testament het bepaal dat indien hulle nie saam wou woon nie, Jan Harmse 2000 riksdaalers sou kry om vir hom ‘n woonhuis te bou. Albei koop later dele van die plaas De Quispberg (Sewefontein) aan.   (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Die plaas Sewefontein is ongeveer 28 kilometer suid van Nieuwoudtville in die Heideveld-gedeelte van die Bokkeveld geleë. Die plaas is aangrensend aan die plase Lokenburg en Papkuilsfontein. Dit grens aan Papkuilsfontein waar die Oorlogskloofrivier deur die Bokkeveldsberg se plato deurbreek.  Tydens die Duitse reisiger Lichtenstein se reis van 1803 beskryf hy sy besoek aan Jacob A Louw van die plaas Lokenburg, die buurplaas van Sewefontein.  Lichtenstein meld dat die omgewing baie yl bewoon was en dat Louw hom vertel het dat hy op die meeste vier bure het wat almal ‘n halwe dagrit te perd van hom af bly.  Die vroegste verwysing na die plaas wat gevind kon word, is in die Opgaafrolle van 1811 van Jan Disjelsvalley, distrik Clanwilliam. Daarvolgens het Johannes Mostert die plaas Quisberg in leening bewoon. Sewefontein en Papkuilsfontein is ook aangrensend aan die suid-oostelike en oostelike kant van die Oorlogskloofnatuurreservaat. Sewefontein was oorspronklik bekend as De Quispberg soos blyk uit ‘n opmeting van die plaas gemaak deur landmeter J Schutte op 18 Februarie 1820.  Die dokument wat in 1820 deur landmeter Schutte opgestel is tydens die opmeting van die plaas, dui aan dat dit ‘n leningsplaas was wat aan Johannes Mostert behoort het.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Tot met die opgaafrolle van 1827 word Johannes Mostert en sy vrou Helena Johanna Loubscher as die bewoners van die leenplaas, nou  Quitsberg genoem, aangedui . Vanaf 1829 word die name van die plase nie meer in die opgaafrolle aangedui nie en kan dit nie meer met sekerheid gesê word dat hulle die plaas bewoon het nie.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Die eerste akte inskrywing vir die plaas was in 1832 toe dit as 'n erfpagplaas van 9576 morge aan Thomas Arnoldus Theron uitgegee is.  Schutte meld dat die huis in 1832 gebou is en dat die grond van Sewefontein vanaf 1840 aan die Nel-familie behoort het. Historiese dokumentasie bewys dat die Nels eers in 1871 die grond aangekoop  het en dat Thomas Arnoldus Theron die grond in 1832 besit het.  Dit was vir amper twee jaar in sy besit tot Floris Kotze dit in 1834 gekoop het. (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

 

Name Jan Harmse Nel
Sex Male
Age
18 years
Birth Year (Estimated) 1847
Spouse's Name Jannetta Sophia Nieuwoudt
Spouse's Sex Female
Spouse's Age
18 years
Spouse's Birth Year (Estimated) 1847
Event Type Marriage
Event Date
17 April 1865
Event Place South Africa
https://www.familysearch.org/ark:/61903/1:1:D9TT-PBN2

 

Na die afsterwe van Floris het die plaas in 1860 oorgegaan in die hande van sy broer Theunis Johannes Kotze.   Uit die boedel van Theunis Johannes Kotze blyk dit dat in 1869 ses Kotze's elk 'n sesde van die grond gekry het en dat daar ook van die grond oorgegaan het in die hande van Jan Harmse Steenkamp en Theunis Johannes van der Westhuizen. In 1871 gaan van die Kotze's se grond oor in die hande van die Nels as Jan Harmse Nel, F.J. Kotze se sesde koop en sy broer, Jacobus Nel, in 1873  twee gedeeltes koop, die van T.J. van der Westhuizen en 'n twaalfde van J.P. Kotze.  Vanaf 1874-1878 koop die twee Nel-broers nog grond van die Kotze's asook die grond wat aan J.H. Steenkamp behoort het.  Die derde Kotze broer, Nicolaas Kotze, wat met 'n bruin vrou getroud was, se kinders word later as Kleurlinge geklassifiseer. Sy agt kinders se grond word behou en nie verkoop nie. Hierdie grond is aangrensend aan Sewefontein en word Sandrivier genoem.   (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Dit is nie seker wanneer die naam na Sewefontein verander het nie. Jan Harmse Nel in 1871 ‘n deel van die plaas gekoop en volgens ‘n verband wat hy by die Cape of Good Hope Saving Bank Society op 11 Julie 1895 vir die plaas aangegaan het, het hy op die plaas Zevenfontein gewoon. In die dokument word die plaas as die erfpagplaas Quetsberg en nie De Quispberg nie, aangedui. Op ‘n verdere verband wat hy vier jaar later in 1889 uitgeneem het, het hy weer aangedui dat hy op die plaas Zevenfontein (Quipberg) woon. Uit verskillende dokumente blyk dit dus dat die name gewissel het van De Quispberg, Quistberg tot Quipberg en Quetsberg.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Moontlik het Jan Harmse die geld wat sy pa aan hom vir 'n huis bewillig het, gebruik om die grond aan te koop en vir homself ‘n woonhuis op Sewefontein te bou. Aangesien die grond eers in 1871 aangekoop is, kon die huis eers daarna gebou gewees het, want hy sou tog nie ‘n groot huis bou op grond wat nie aan hom behoort het nie. Volgens Jan Harmse se kleindogter, Elizabeth Helena Cataharina Brasler, het hy die huis tussen 1872 en 1874 gebou.  (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Die opstal bestaan uit die volgende geboue:  die woonhuis, skool, die onderwyser se huis, die kafhok, waenhuis, murasie en die stalle.  Op die werf is daar ook 'n buitebakoond net agter die huis met 'n groot seeppot daar langsaan, asook 'n klein hoenderhokkie.  die oudste geboue is die murasie, die skool, die stalle en die kafhok.  As daar na die boustyl en boumateriaal gekyk word, dateer die geboue waarskynlik uit die eerste helfte van die 19de eeu, terwyl die woonhuis uit die laat 19de eeu dateer.  al die geboue is oorwegend gebou met materiaal uit die omgewing. (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010) 

Met sewe fonteine op die werf was daar geen tekort aan water nie en reeds in die tyd van Jan Harmse Nel was daar ‘n pragtige groentetuin en vrugteboord.  Volgens oorlewering het een van Jan Harmse Nel se seuns en een van sy skoonseuns ‘n stookketel in die groot populierbos op die plaas gehad.  Hulle het van perskes, druiwe en turksvye witblits gestook soos die verskillende vrugte ryp geword het en daar van die vrugte oorgebly het nadat konfyt gekook, ingelegde vrugte gemaak en die vrugte gedroog is. Die praktyk het tot ‘n einde gekom toe die een broer besef het dat die predikantjies, dit wil sê die klein sopies witblits, te lekker raak en dat dit gewoontevormend word. (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Op 25 Junie 1908 het Jan Harmse Nel sy deel van Sewefontein aan sy drie seuns, Willem Jacobus Albertus Nel, Heremias Cornelis Nel en Johannes Abraham Benjamin Nel bemaak.   (‘n Kultuurhistoriese perspektief op plaastoerisme - gevallestudie van die plase Soutpan en Sewefontein in die groter Calvinia en Nieuwoudtville-distrik deur Mara Visser (nee Theron) – tesis- Maart 2010)

Papkuilsfontein  Possible son buried in grave number 2

(https://www.vassa.org.za/wp-content/uploads/2010/09/Jrnl-15-full-text-web.pdf)