Sy naam kom voor in hulle pa se sterfkennis van 1918.
Sy naam kom voor in hulle ma se sterfkennis van 1943.
STANDPLASE
1933 Beaufort-Wes (Hpr.)
1943 Retreat
1952 Die Vlakte
Ds Petrus Johannes Van Der
Westhuijzen (31.3.1906 – 19.9.1976) sterf kort nadat hy op die kansel in
Vryheid, terwyl hy, nadat hy sy eerste kleinkind gedoop het, besig was om te
preek, ineengestort het. Uit Durbanville geboortig, matrikuleer hy aan die ou
seuns- hoërskool op Stellenbosch. Daarna studeer hy aan die universiteit en die
Kweekskool aldaar, verwerf hy ‘n meestersgraad in Grieks en word hy 1931
gelegitimeer. Nadat hy ‘n tyd op Darling werksaam was in die plek van ds D J
Malan, wat toe aan die Sendinginstituut klas gegee het word hy Junie 1933 op
Beaufort-Wes as hulpprediker georden. In 1937 tree hy tydelik om
gesondheidsredes uit die diens. Intussen hou hy hom met skryf- en vertaalwerk
besig en help hy ook in Wynberg tydens wyle ds F S Malan se siekte. September
1943 word hy leraar van Retreat (tans Zwaanswyk) en Augustus1952 van Die
Vlakte. In 1971 tree hy as sekretaris vir redaksionele werk in diens van die
Bybelgenootskap van Suid-Afrika in Kaapstad. Twee jaar later aanvaar hy sy
emeritaat en vanaf 1974 is hy administratiewe assistent vir vergaderings en
notule van die Bybelgenootskap. Hy behou ‘n lewendige belangstelling vir die klassieke
tale en bly ‘n ywerige student veral van die Nuwe Testament. Daarby kan hy
altyd oor ‘n ryke verskeidenheid van sake praat en maak sy ongedwonge
hartlikheid, sy natuurlike hoflikheid, sy geniale persoonlikheid en sy vlotte
gebruik van beide landstale van hom ‘n gesogte voorsitter en seremoniemeester
by allerlei geleenthede. Daarby was hy ‘n musiekliefhebber en het hy die orrel
met oorgawe bespeel. Gedurende baie jare verteenwoordig hy die Ring van Wynberg
in die sinodale en ander sendingkommissies en as voorsitter van die destydse
Binnelandse Naturelle-Subkommissie tree hy as voorsitter op by die
totstandkoming van die Sinode van die Ned Geref Kerk in Afrika (Kaap) November
1951 in Oos- Londen. (Jaarboek 1977/314). (https://www.gemeentegeskiedenis.co.za/van-der-westhuijzen-petrus-johannes/)
NG Gemeente Beaufort-Wes (https://www.gemeentegeskiedenis.co.za/ng-gemeente-beaufort-wes/)
NG Gemeente Retreat (https://www.gemeentegeskiedenis.co.za/ng-gemeente-zwaanswyk/)
NG Gemeente Die Vlakte (https://www.gemeentegeskiedenis.co.za/ng-gemeente-die-vlakte/)
