h.3. Pieter Hendrik Rudolph, geb. 08/11/1884, Bankfontein, ged. 14/12/1884, Carolina, oorl. 08/02/1974, Pretoria x 18/12/1906, Ermelo met Martha Magdalena VAN NIEKERK, geb. 28/03/1887, Waterval, dist. Estancia, oorl. 04/07/1966, Susan Strijdom Ouetehuis, Pretoria, d.v. Gerhardus Jozua van Niekerk en Martha Magdalena Maré.
Pieter Hendrik Rudolph was die seun van Jacobus Andries Nel en Anna Sophia Elizabeth du Plooy.
Pieter het op die plaas Bankfontein grootgeword en het
aan die jaarlikse trektogte met die vee na Nelspruit deelgeneem. Hy het vertel
dat met die aankoms van die eerste stoomtrein op 20 Junie 1892 op Nelspruit het
hy en sy vader na hierdie nuwe gedoente gaan kyk. Hy het so 'n bietjie nader
gestaan om beter to sien toe sy pa hom maan:
"Wag Piet, staan terug, netnou bars die vuillise ding". Hy het op 16 jarige ouderdom van die huis
weggeloop en tydens die Tweede Vryheidsoorlog by die kommando gaan aansluit. Hy
was saam met sy swaer Pieter Hendrik du Plooy, getroud met sy oudste suster
Martha Christina Gysbertina (b1c3d4el-f6g7h1), op kommando en het aan die
veldslae van Machadodorp en Delmanutha deelgeneem. Na die oorlog word hy
ploegbaas op die spoorweë en daarna boer, maar was egter nie vir die boerdery
bestem nie. Hy werk vir 'n tyd lank op die tinmyne in Swaziland en later as
bouer op Nelspruit en Witrivier. Daarna werk hy vir die Bantoe Trust waar hy
skole bou. Hy word na die Kaap verplaas waar hy tot sy aftrede werksaam is. Hy
en sy vrou woon eers in die ouetehuis op Middelburg en daarna in die Susan
Strijdorn ouetehuis op Pretoria, waar sy vrou 'n week na hul intrek oorlede is.
Hy was die laaste jare in die SAVF tehuis in Skinner¬straat waar sy
skoondogter, Johanna Adolphina Geldenhuys x Jacobus Andries Nel (46g7113i2) die
matrone was. Hy is in die SAVF tehuis oorlede.
(Borman, Hans: Familie Nel van
Nelspruit, 1982)
