Hermias Cornelis Nieuwoudt was die seun van Abraham Pieter Nel en Hendrina Maria Hendrikse.
Name Heremias Cornelius Nieuwoudt Nel
Birth Date 12 Jul 1893
Parent Name Hendrina Maria Hendrikse
Second Parent's Name Abraham Pieter Nel
Event Type Baptism
Event Date 29 Apr 1894
Event Place Darling, Cape Province, South Africa
https://www.familysearch.org/ark:/61903/1:1:6K1H-FRQD?lang=en
Birth Date 12 Jul 1893
Parent Name Hendrina Maria Hendrikse
Second Parent's Name Abraham Pieter Nel
Event Type Baptism
Event Date 29 Apr 1894
Event Place Darling, Cape Province, South Africa
https://www.familysearch.org/ark:/61903/1:1:6K1H-FRQD?lang=en
Van die Oranjerivier tot die Rebellie. Mias, Hendrina en Kolie Nel het hul vroeë skooljare op Nieuwoudtville deurgebring, waar hulle by 'n tannie ingewoon het. Hul daaglikse reis na die regeringskool het per wa geskied, en vir een jaar was Barend Johannes Mouton van Heilbron hul onderwyser.
Die kinders was van kleins af tuis in die water en het gedugte swemmers geword. Om die magtige Oranjerivier te trotseer, het hulle ’n drywende wilgerblok as hulpmiddel gebruik, waarin ’n stewige pen gedryf is vir houvas. In daardie jare is Mias Nel en Koos Gouws deur die jeug as van die sterkste swemmers in die omgewing beskou.
Wanneer die rivier in vloed was, moes Piet Nel se seuns dag en nag veg teen die stroom om bokke van die eilande af uit te swem. Dit was ’n uitmergelende taak waar hulle die diere aan die nek moes beetkry en deur die water stuur. Op hierdie eilande het die vee floreer; daar word vertel dat Piet Nel se bokkapaters mettertyd so groot soos jong tollies geword het. Mias en sy broers se swemvernuf is ook ingespan om mense tydens hoogwater van die eilande af te help. Na bewering moes van die vroue selfs wydsbeen op die mans se skouers sit terwyl hulle deur die diep water gedra is.
As jong man was Mias ’n rebel wat in 1914 aan die Suidwes-veldslag deelgeneem het. Hy was aan Manie Maritz se sy toe dié hom van die Unie losgemaak het.
Mias was ook ’n pionier op die paaie en het in 1917 een van die eerste motors in die distrik, ’n Model-T Ford, aangeskaf. Sy ervaring met hierdie spesifieke voertuig het hom egter lewenslank teen Ford laat draai. Hy het daarna slegs Chrysler-produkte soos Dodge, Plymouth en De Soto verkies. Sy rooibruin 1927/28 De Soto met sy kenmerkende swart modderskerms het behoue gebly as ’n stukkie geskiedenis. Reise na Upington was destyds ’n groot uitdaging. Die motors kon dikwels nie die steil Bobbejaankrans uitkom nie, wat beteken het dat hulle die bult agteruit moes uitry of noodgedwonge moes oorslaap. Die dik sand by Warmsand was nog ’n struikelblok wat reisigers gereeld vir ure lank kon vertraag.
Mias is op 24 September 1917 te Brandvlei, dist. met Christina Alida Hendrikse getroud.
Name Hermias Cornelis Nel
Sex Male
Age 24 years
Birth Year (Estimated) 1893
Event Type Marriage
Event Date24 September 1917
Event PlaceBrandvlei, Calvinia, Cape Province, South Africa
Event Place (Original) Brandvlei, Calvinia, Cape Province, South Africa
Certificate Number 177
Christina Alida Hendriks Wife F 22 years
https://www.familysearch.org/ark:/61903/1:1:6ZHP-YWMZ?lang=en
Chrissie was ‘n baie presiese en netjiese vrou. Mias en Chrissie het mekaar op ‘n familielid se begrafnis ontmoet. Haar pa en Hendrina Nel was neef en niggie. Sy het tot 1947 op Rooipad gewoon.
Net soos sy pa, was Mias ’n toegewyde veeboer. Die Nels was onder die eerste boere in die Unie wat met karakoelskape begin boer het – diere wat destyds uit Suidwes-Afrika ingesmokkel is. Die skape is by Onseepkans en Schuitdrift deur die rivier gebring, waar takke aan donkies se sterte vasgemaak is om die spore in die sand dood te vee. Die lamvleisvelle is later weer via Schuitdrift na Suidwes uitgevoer. Die massiewe omvang van hul grond word onderstreep deur die feit dat die oorspronklike Blydeverwagt vandag deur ses afsonderlike boere besit word.
Na Piet Nel se afsterwe in 1928, het Kolie en Mias elk ’n deel van Rooipad geërf: Gamaip het aan Kolie gegaan en Bysteek aan Mias. Mias het egter later sy deel van Blydeverwagt vir Kolie se gedeelte van Rooipad verruil sodat sy kinders nader aan die skool kon wees.
Deftigheid destyds was aan die orde van die dag, veral by
diegene wat dit kon bekostig. Die mense
het met hulle “dress suit” gaan dans.
Hulle het ook nie in die straat sonder ‘n jas oor die “dress suit”
gestap nie. Mias het vir hom ‘n swart
“dress suit” met binne afwerking van sy by ‘n ene F.C. Jooste in die Paarl laat
maak.
1928:
Die ses Nel broers by Mias se De Soto motor.. Bertus, Ben, Mias, Piet, Kolie en Izak
Vier
kinders is uit Mias en Chrissie se huwelik gebore: Anna, geb. 1919;
Drienie, geb. 1921; Pieter, geb. 1923; en Mias, geb. 1933.
Mias Chrissie en kinders
Mias se lewe is op 25 Mei 1935 kortgeknip tydens die Hemelvaart-naweek. Hy het pas met ’n nuwe Plymouth van die Kaap af teruggekeer toe hy op sy eie werf deur sy eie motor doodgery is. Volgens die sterfterekord het hy veelvuldige beserings opgedoen in ’n botsing met ’n waterkar wat deur S.A.H. Bolyn gedryf is.
HCN SK: https://www.familysearch.org/ark:/61903/3:1:3Q9M-C91W-GSPF-M?view=index&personArk=%2Fark%3A%2F61903%2F1%3A1%3AQP74-7F45&action=view&cc=2517051&lang=en
