Jacob Willem Stephanus was die seun van Johannes Carel Willem Casparus Nel en Martha Margaretha Wilhelmina Maria Steenkamp.
FAMILYSEARCH
FAMILYSEARCHStorie uit die boek "Van Blomfontein na
Papuilsfontein tot Sewefonuin" geskryf deur Eben Nel.
-Paul Kruger Sokkies-
Jacob Willem Stephanus Nel (oom Jaap) was ook op 'n
gereelde basis as ouderling gekies. Hy was 'n statige en vroom man. Daar word
vertel dat oom Jaap baie lank kon bid. Tydens die gebed het sy seuns opgestaan
en die perde in die stal gaan voer gee, en as hulle terug kom was oom Jaap nog
aan bidde. Dit is seker hier waar die storie later sy oorsprong gekry het van:
"Die oom wat nie vir 'amen' kon kry nie". Tydens sy pligte as
ouderling het oom Jaap, wanneer hy die manelpak moes aantrek, somtyds vergeet
om by sy twee swart skoene sy twee swart kouse aan te trek. Hy trek net sy
skoene aan sonder sokkies. Nou was oom Jaap dan ook die hoof ouderling.
Hy moes voor stap en sit dan hier links voor in die
kerk in die eerste bank, waar hy as hoofouderling heelvoor sy plek inneem.
Salig onbewus dat hy vergeet het van die sokkies, trek oom Jaap sy broekspyppe
op en sit daar met sy "Paul Kruger sokkies" asvaal, tot vermaak van
party kerkgangers en medebroers in hul swartpakke.
Wanneer Tant Chrissie hom aanspreek oor sy sokkies het hy haar teruggeantwoord: "Ag, Chrissie Vrou, ek is so gewoond aan om met my velskoene te loop sonder sokkies op die plaas, laat die mense maar praat en lag, dan het hulle tog iets om oor ordentlik te skinder!"
