Frederik Johannes was die seun van Gerrit Stephanus Nel en Magdalena Maria Strauss.
Frikkie
Nel is op 17 April 1926 in Kenhardt gebore en het op Kenhardt skoolgegaan. Hy was vir een jaar op Stellenbosch om
landbou te studeer, maar het in 1946 teruggekeer na die plaas toe om te kom
boer. Nadat Frikkie teruggekom het, het die twee
broers begin om saam te boer.
Frikkie
het op 30 Desember 1959 met Wilina Luttig, 'n meisie van Vanwyksvlei, wat as
onderwyseres by die laerskool Augrabies begin werk het, getrou. Uit die
huwelik is vier kinders gebore, naamlik Fanus, Freda, Danie en Lenie.
Frikkie
was vir 10 jaar sekretaris en vir 20 jaar voorsitter van die Nous
boerevereniging. Op 25 jarige ouderdom is
hy vir die Oranje Landbou unie bestuur gekies.
Hy was ook gekies vir die Karakoelvereeniging van Suid-Afrika. Hy het gedien op die komitee van FCI wat
tussen die Republiek en SWA (karakoelkorp) werksaam was en hy was 29 jaar op die bestuur van die Oranje
landbou karakoel boerevereniging van Suidelike Afrika tot dit ontbind het.
